📍成都老碼頭火鍋 (旺角)
旺角塘尾道61號地舖
======================================
一入到餐廳就聞到嗰陣麻辣味，雖然我係唔食辣嘅，但我都覺得好香🤤餐廳環境好闊落，坐得舒服，好啱同幾個朋友嚟打邊爐吹下水👫
.
🥢鴛鴦湯底 $158 (5/5)
我地點左鴛鴦湯底，紅油同花膠雞(另+$50)。湯底一到，侍應就叫我地先飲碗雞湯，味道好清甜呀👍🏻👍🏻花膠夠哂彈牙！仲有素翅添😜至於紅油湯底，辣到跳舞💃🏻🤣另外茶芥就每位$25，包左自助醬料同水果吧，打邊爐咁熱氣食返幾件西瓜降一降一火就啱哂，西瓜仲要好甜🍉！👏🏻
.
🥢極品prime手切肥牛 $168/半份 (5/5)
對於我地呢啲鍾意食牛肉嘅朋友來講，呢度牛嘅款式算多，用冰凍住上枱既肥牛，可以見到脂肪分布平均，食落肉質嫩滑，牛味都幾濃🥰🥰🥰
🥢日本A4牛肩胛 $188/半份 (4/5)
牛肩胛質感比較厚實，有啲嚼口🤩
🥢舌尖上的牛舌 $68/半份 (4/5)
最初以為牛舌會係厚切，相反呢度將牛舌切到好薄😲但口感都仲keep到👍🏻
.
另外仲點左即炸響鈴、皇帝菜、老碼頭手打牛筋丸、豬腦花、蛋餃、菠菜墨魚滑同鴨血，全部都好正😋😍😌
.
🥢紫薯寬粉 $38 (4/5)
見到好多人都點呢個，滾兩滾其實好快就變得有少少透明，口感煙煙韌韌，都幾得意！
🥢解辣玫瑰冰粉 $32 (4.5/5)
食到最尾要試呢個玫瑰冰粉，甜甜地，加埋面頭啲西瓜粒、提子乾，又幾爽！
.
食完走之前記得幫襯一下部去味機🤣幫你去除油烟味，好細心呀！仲有唔講唔知原來佢哋有專車接送由火鍋店去旺角中心或者旺角東火車站😱服務真係好好👏🏻👏🏻
Search